Wadziyły sie Ruda z Nacynom

Wadziyły sie Ruda z Nacynom,
(bez Rybnik obie płynom),
kero z nich je ważniejszo,
kero mo woda czyściejszo.
Jo od Rydułtow płyna -
chwolyła sie Nacyna.
Jo płyna od Rudziczki
i Żory mijom dycki -
Ruda ji na to rzecze.
Tak dogaduje rzeka - rzece.
Tyś je cało we soli!
Cie Paruszowiec zasmolył!
Jak sie tak razym wadziyły -
do oczyszczalnie trefiyły.
I teraz już razym pływie
Ruda z Nacynom, w zalywie.

autor

stan09

Napisany: 2007-04-16 Dodano: 2007-04-27 15:37:32

Ten wiersz przeczytano 506 razy

Oddanych głosów: 2

Rodzaj Rymowany Klimat Obojętny Tematyka Życie

Aby zagłosować zaloguj się w serwisie