G r i p a
Jak co roku, tyj jesiyni,
Kiej sie nom pogoda miyni,
Gripy czas ku nom przichodzi,
Pokwynkujom starzi, modzi.
Piyrszym objawym jest ryma,
Bez dochtora tydzień trzyma,
Potym cosiś w kościach łomie,
Każdy hyrlo w całym domie.
Gowa boli, idom poty,
Ni mom chynci do roboty,
Gibko lecisz do aptyki,
Przeciw gripie kupić lyki!
Syrop, wopno, aspiryna,
Psiego sadła odrobina,
Flaszka z wodom buch pod deka,
Łomijejcie mie z daleka.
Do nachtopa harkom, pluja,
Ciyngym garło czymś gurgluja,
Ajerkoniak i kamelki,
No i okład z modyj frelki.
Pora dni, choroba mijo,
Zmogła wielu beskurcyjo,
Jeszcze ino miod, cytrony,
I już byda wylyczony.
Teraz musza sie szanować,
Dugo pospać, dobrze jodać,
Niych na pewno nikt nie liczy,
Żebych poszeł do pywnicy!
Fajne życie jest zdechloka,
Ciepłym bucho od kachloka,
Telewizor ciyngym leci,
Cicho siedzom w kontach dzieci.
Jo mom wczasy, jo mom laba,
Piwko mi prziniesie baba,
Niych zaprzeczy mi tu kery,
Rewiyr lepszy od riwiery
Słownik:
ryma - katar
hyrlo - kaszle
deka - koc
nachtop - nocnik
harkać - odkrztuszać
gurglować - płukać
frelka - panna
rewiyr - zwolnienie lekarskie
Komentarze (1)
Ślaska gwara ze slownikiem:)