Wyntile
czyli piłeś - nie jedź
Idzie Antek do baru na piwo
i z daleka jusz sie dziwo,
widzi od Francka koło,
pod barym one stoło.
Nie myśloł ani chwile
i powykryncoł wyntile:
nie bydzie somsiod na kole
ożarty jeździoł po gorzole.
W barze po piwie wypili,
przeca kumplami byli,
Francek był jusz doś słaby
i poszoł dudom,do baby.
Luftu w kole ni mioł,
to szoł i w duchu sklinoł:
czekej ty yno jeszcze,
gupot ci sie odechce.
Szynkosz jusz bar zawiyro
i Antek sie dudom zbiyro,
idzie drogom jak umi,
a piwo mu w łepie szumi.
Wtym coś go śmigło w nogi
i leży on jak długi,
kulo sie cały w marasie,
wszyndzie mo same chasie.
O mało sie nie zabioł
i grucza na czole nabiół.
Na dworze jest jusz cima,
to Francek rozciongnoł lina.
Za drzewym cicho siedzioł,
że Antek idzie wiedzioł,
teraz puko ze śmiychu,
jak on stowo w pośpiychu.
"Jo szoł dzisio koło koła
i ni mom zdartego czoła."
Komentarze (0)
Jeszcze nie skomentowano tego wiersza.