Piontek - wyjontek

Jedyn przaje fest sobocie,
zaglondo do kalyndorza,
bo je wtedy po robocie,
toż zaś by sie w szynku ożar .

Inkszy czeko na niedziela,
na zolyty przidzie czas,
na muzyka weźnie frela,
czy na szpacyr, kajś bez las.

Zy mie taki je wyjontek,
cołki tydziyń struty łaża,
czekom, aż zaś bydzie piontek
i wodzionka se uwarza.

Jak je kery po imprezie,
toż narzyko na pyndziałki,
ledwa rano z łożka zlezie,
robic musi tydziyń całki.

Keryś czeko zaś na strzody,
bo mo do sia pora chwil,
baba pośle kajś na lody
i oglondo fuzbal- szpil.

Jo nie myśla o weekyndzie,
jo sie dycko fest raduja,
jak zaś tydziyń cołki przyndzie
i wodzionki smak poczuja.

Wodzionka - zupa postna, piątkowa.Składniki: woda, chleb, czosnek, sól, tłuszcz. Z niemiecka zwana brotzupa.

autor

stan09

Napisany: 2007-07-20 Dodano: 2007-07-20 15:01:08

Ten wiersz przeczytano 929 razy

Oddanych głosów: 4

Rodzaj Rymowany Klimat Wesoły Tematyka Życie

Aby zagłosować zaloguj się w serwisie