Maniacy czyli małżeńskie...

Do połnocy paczysz na telenowele
a mje s tej zgryzoty już we dekiel pjere
na taki pierdoły niy szkoda ci czasu
spamiyntej się babo no i to zawczasu

Do dziesiontej gnijesz toż to niy wywczasy
i przestoń się wadzić ło te trocha kasy
żech se kupioł halba a do tego piwo
że się chytom cyji jak łeb mi się kiwo

I mje się łod życio przeca coś noleży
bo zawdy pośrodku dycko prowda leży
nie byda się spiyroł je żech na pyndzyji
ty mosz telewizor jo grani na cyji

A jak się znerwuja to zaroz wybuchna
pokoża wto rzondzi kaj gorki i kuchnia
ftedy to Ty bydziesz miała kino doma
chytej się roboty a już do pierona

Naszykuj śnodani moja beskuryjo
bo jak niy to zrobia tako komedyjo
zrob porzondny łobiod kluski i rolady
a niy bydziesz miała sy mnom żodnej swady

a tera trochę oznaczeń
gnijesz leżysz
pjere bije
wadzić kłócić się
dycko zawsze
pyndzyjo emerytura
swada kłótnia
ftedy wtedy

autor

renia

Dodano: 2009-09-04 09:54:31

Ten wiersz przeczytano 905 razy

Oddanych głosów: 14

Rodzaj Rymowany Klimat Wesoły Tematyka Życie

Aby zagłosować zaloguj się w serwisie